Suid-Afrikaners se besteebare inkomste is nou byna 'n derde minder as ses jaar gelede en 'n al hoe groter skuldlas plaas verbruikers onder toenemende druk.
Meer as twee jaar ná die aanvang van die koronavirus-pandemie het nominale inkomste effens afgeneem, maar wanneer die uitwerking van saamgestelde inflasie oorweeg word, het Suid-Afrikaners se besteebare inkomste met 31% gekrimp, sê Benay Sager, hoof van DebtBusters.
